www.al-ahwaz.com

صرخات شعبية
لامرأة عربية من نساء المحمرة الباسلة

٭٭٭

اشلون نقشة الي انقشوها اشلون حيلة مدبرة
اجتمعوا بمسجد الجامع سوو الهم مشورة

٭٭٭

يا الاهي اشلون خطة خططوا المناققين
قصة الاعدام صارت تشبه قصة حسين
اصبحت كلها اسارة مثل زين العابدين
مصابنه يشبه مصاب حسين يل تتصوره

٭٭٭

ليش لطختوا العمايم يهل الخيانة وغدر
ابدا ما خفتوا من الله اولا تصورتو القبر
يوم تلتم الخلايق والصحايف تنتشر
بالحساب اتلاقي ربك ما تظن تصوره

٭٭٭

اشلون من هجمو علينه مادرينه شنهو صار
اتفاررت العيال كلها قيدو كل الانصار
اعيالهم ضلت حياره تبجي بليل ونهار
نريد حقنه يا الاه الكون انت تنوره

٭٭٭

المجلس الطاغي خذوهم
شي حبس وشي رموهم
سبية الكفره سبوهم
ابد موا اسلام ذولة كفره
اشهل المصيبة دبروها اهل الخيانة الئام
كلها فتواهم معاصي يحسبون اهمة اسلام
ينتقم منكم الباري يل مضيتوا على العدام
اوكل ولد امه حزينة أو بليتام محيرة

٭٭٭

اشلون أم الخيطت اجهاز الولد
او كان املها اتزوجة اوتفرح بعرسة اوينسعد
تشوف ابنها انفتل ما يرجع بعد
من بجاها الصخر حتى اتفطره

٭٭٭

اشهل الصيبة الحلت اعلى المسلمين
ندعي من الله انتقامة اسريع من الظالمين
نريد من عندك يا الاهي تعثره

٭٭٭

ارد اكلك يهل شامت افرح اودك الطبول
ضل ثلث تيام يخطب بيهم اخميني المغول
مفتخر بالدنية اخبرك جامع اوياه النذول
احنه نطلب من الباري الجمع هذا يطشره

شاعرة عربية احوازية
من مدينة المحمرة الباسلة

This website is:            www.al-ahwaz.com
The Official Site of Ahwaz and Ahwazi Arabic Revolution (Arabistan)
Ahwaz, Arabistan Online Network, The Ahwazi Arabic Info. Center,
website address: www.al-ahwaz.com | e-mail: al-ahwaz@al-ahwaz.com , arabistan@al-ahwaz.com , arabistan@yahoo.com | Fax: 1-530-678-5231

© جميع الحقوق محفوظة لدي شبكة الاحواز للانترنت
Ahwaz-Arabistan Online Network - AAON
www.al-ahwaz.com
© 1998-2002

• ملاحظة هامة :
   الأخبار التي مصدرها خارجي ، شبكة الأحواز للانترنت ( al-ahwaz.com ) غير مسؤولة عنها وعن مضمونها وعن مضمون مواقعها وعن اصحابها او مصادرها ولا تتحمل ادنى مسؤولية عنها .