| . | |||
|
|||
|
. |
|||
|
قصيدة أحوازية شعبية یولاد حته اتشکلو..! محمود أحمد الأحوازي |
|||
 14
/ 12 / 2007
|
|||
|
المصدر:
شبكة الأحواز -
حوز - وكالة الانباء الأحوازية |
|||
|
فزيت والدنيه فجر، والروح رفت للوطن مليت من فرگه الأهل، ومليت من كثر الون كل يوم افز إمن الفجر ، روحي ترف ومشتاق ماضل بعد عندي صبر، من حسرتي رحت انجن شو لذتي بهذا الوكت، وآنه بعيد على الدار شلون استلذ من غربتي! ديداني بس ظل الون ظليت احن وكابرت، للوطن مشدوده الروح شكثر آنه اصبر اعلى النفس، وهيه الأهاليهه اتحن ما يحله لي بعد الأكل، لا تحله لي هاي الدار شلون ابتسم،شلون افتره، وابطالنه اهناك اتون مليت، ماخذني الألم، مليت من الحسرات وصلت السچینه العظم، شچندوب آون ومحزن شعراتی باضن بالهجر، والگلب مازال ایحوم و اجروح هجرک یا وطن، لا نشفن ولا طابن مارید اموت ابغربتی، ناوی الشهاده إبكارون اتمرغث إبصبخة اليرف، وبطينه اريد اتطين روحي تريد أم العله، موت النخل تهوه اتموت وگولات التهز الگبر، اسمعهه باذاني اترن موتي گرب، ماکو وکت، مارید اسیر بتابوبت هوسات التشگ الگبر، وجروح ارید ايأدن یا دار الچ روحی ترف، وترید بوسه من الگاع بتراب الیطیب الجرح، وبالرمل ارید اتزین شو لذة الدنيا إلي، والوطن بدموم ايفوي واحد على كرين انصلب، واحد إبـ" كارون" إيون راضي وريسان البطل، باسو للأحواز الموت وغيبان قبل المشنقة، بدمه البنات اتحنن كل الوطن اصبح سجن، وفرسانه بالزنزانات خلينه نعلگهه یمر، نحطم السکوت المزمن هلهوله یا نخوت هلی، من اسمعچ عزمی یزود ضمدی جروحی بشیلتچ، بعصابه احب اتچفن یولاد حته اتشکلو، یولاد محیی الشجعان شدو علی ظهور الوذن، خلو الحواري ايطربن بمگوار وبفاله وطبر،برنو ورشاش انثور نسویهه هامات العده، والغازی بقصوره ایجن تستاهل احواز الوفه، والوطن مطلوب ایعود لازم المحتل ینطرد، لازم حدوده ایطهرن یلا یخوتی اتحزمو، نشفوا دموع الحلوات
خلهن الیوم ایهلهلن ، خلهن الیوم ایغنن |
|||
|
مواضيع ذات صلة : |
|||
|
تنويه هام |
|||
|
© جميع الحقوق
محفوظة لدي شبكة الاحواز للانترنت |
